Petrolatumi është nga llojet e dyllit të naftës. Petrolatumi është një substancë e butë, veshtullore dhe ngjitëse (e ngjashme me vazelinën), zakonisht nga ngjyra e kafes së zbehtë deri në kafe të errët, ka temperaturë relativisht të lartë të shkrirjes (75 – 90 ͦС).
Për nga përbërja e tij petrolatumi është përzierje parafinash, cerezinash dhe vajrash që prodhohet në dy mënyra kryesore gjatë përpunimit të naftës në rafineritë. Mënyra e parë është prodhimi i petrolatumit me anë të deparafinimit me acid sulfurik të vajrave të mbetura. Mënyra e dytë është pastrimi selektiv me anë të tretësirave të zgjedhura, i cili përfshin disa etapa të përzierjes, ftohjes dhe centrifugimit, deri më marrjen e produktit përfundimtar.
Petrolatumi është lëndë e parë për prodhimin e dyllit mikrokristalor, përveç kësaj merr pjesë në përbërjen e shumë lubrifikuesve dhe në komponime për izolim elektrik. Ai përdoret gjithashtu për shtresa mbrojtëse, produkte prej plastmase dhe kauçuku, për derdhje të përpiktë etj.